استقالة مدرب فريق النبي شيت عادل رزق

أمام الظروف الصعبة التي تمر بها البلاد والوضع المتفلت على الطرقات وقطعها المتكرر الذي يحول أمام وصوله الى ملعب التمارين ، اضافة الى الصعوبات الكبيرة ومشقة تأمين الوقود للانتقال من بيروت الى البقاع ذهابا وايابا ..
قرر المدرب عادل رزق تقديم استقالته من تدريب فريق النبي شيت بالتوافق مع ادارة النادي البقاعي فاسحا المجال أمام امكانية تأمين بديل يكون من منطقة البقاع او يكون قادرا على السكن في البقاع لمتابعة التمارين بشكل يومي، على أن تبقى العلاقة الودية التي تجمعه مع ادارة النادي فوق اي اعتبار.

وفيما يلي ما كتبه رزق حول الاستقالة:

السلام عليكم شباب ويعطيكن ألف عافية.
تحية وبعد ..
من لم يشكر المخلوق لم يشكر الخالق ، الحمد والشكر لله عز وجل على كل شي
يعني قد ما نكتب عن شخص بعطائه على قد ما منكون مقصرين بحقه وأعني به السيد المعطاء السيد أحمد الموسوي المحترم وأعضاء الإدارة الكريمة السيد والأخ السيد مرتضى والكابتن سمير والأخ مهدي حلباوي والأخ ابو علي جهاد والجهاز الفني الكابتن موسى والكابتن علي ابو رياض والكابتن مالك والأخ حسين ومحمد الموسوي والأخ حيان وأولاده الكرام كل الشكر لكم أحبتي
نحنا متل ما تعودنا من اول ما استلمت الفريق على المصداقية والإحترام بتعاملنا سوا ، وهيدا الشي بحتم عليي وعلى شغلي إنو كون مرتاح الضمير بكل شي عملتوا وعملناه سوا بالفريق طيلة الموسم والموسم الحالي بس للضرورة أحكام والظروف بتحكم على الإنسان والظروف العامة والمحيطة بهالبلد يلي ما عم نرتاح فيه ولا لحظة بتحكم عليي إنو نفترق عن هالنادي نفترق بمحبة وود وأحترام وما تركناه إلا بأيدي أمينة متل ما كان بأيدي أمينة
بتمنى منكم جميعاً كامل التوفيق بهالمسيرة والدفاع عن كنزة النادي ومتل ما عاهدتونا وشفنا عهدكن ولمسناه على أرض الواقع إنكن قد الرهان ما بعتقد ظني رح يخيب فيك ..